Recent Posts by Khenpo Karten Rinpoche and the MDC Volunteers

See more blog posts at http://www.khenpokarten.org/

Portland བདེ་ཆེན་ཞིང་སྒྲུབ་ཐེངས་མ་བཅོ་བརྒྱད་པ་ལེགས་གྲུབ་བྱུང་བ།

September 8th, 2025|

Rinpoche has written about the 18th Annual Amitabha Dechen Shingdrup.   No English translation yet (we hope soon!) See the original blog:  Portland བདེ་ཆེན་ཞིང་སྒྲུབ་ཐེངས་མ་བཅོ་བརྒྱད་པ་ལེགས་གྲུབ་བྱུང་བ། ཉེ་ཆར་སྤྱི་ཟླ་བརྒྱད་པའི་ཚེས་བཅུ་གསུམ་ཉིན་མོ་༢༠༢༥་ལོའི་བདེ་ཆེན་ཞིང་སྒྲུབ་ཆེན་མོ་ཐེངས་མ་བཅོ་བརྒྱད་པ་དེ་འཚོགས་ལ་ཨ་རིའི་ནུབ་བྱང་མངའ་སྡེ་པོར་ལེན་ཌི་ལ་སོང་། རིང་ནས་འདྲིས་པའི་དམ་གཙང་ཆོས་གྲོགས་མི་ཉུང་བ་ཞིག་ནས་ལག་ཁ་བཏགས། སེམས་དད་གུས། ཞལ་འཛུམ་མདངས་ཀྱིས་ཁེངས་ནས་གནམ་ཐང་དུ་བསུ་མ་ལ་ཕེབས་འདུག ཆོས་གྲོགས་རྣམས་ལ་ཕན་ཚུན་བདེ་གནས་ཀྱི་ཁམས་འདྲི་དང་སྦྲག་ང་ནི་ནམ་རྒྱུན་ལྟར་ཆོས་གྲོགས་ཤེས་རབ་ལགས་ཀྱི་རླངས་འཁོར་དུ་ཞུགས་ནས་ཁོང་གི་ནང་དུ་སོང་། ཕྱི་ཉིན་སྔ་དྲོ་ངལ་གསོ་བྱས་ཤིང་ཉིན་གུང་ཐག་ཉེར་ཡོད་པའི་ཆོས་གྲོགས་ངག་དབང་མདའ་གཞི་ཚང་ནང་མི་ནས་མགྲོན་འབོད་བྱས་པ་ལྟར་ནང་དུ་སོང་བས་ཉིན་ཟས་གྲ་རྒྱས་པོ་ཞིག་གྲ་སྒྲིག་གནང་འདུག་པས་ར་མ་ཚྭ་ཆུ་དང་འཕྲད་པ་ལྟར་འགྲང་ཚད་ཟོས། ཕྱི་ཉིན་ཞོགས་པ་ཆུ་ཚོད་བཅུ་པའི་སྐབས་སུ་ནུབ་བྱང་བོད་རིགས་ཚོགས་པའི་འཚོགས་ཁང་དུ་སོང་བས་ཆོས་གྲོགས་མང་པོ་ཞིག་ནས་སང་ཉིན་གྱི་བདེ་ཆེན་ཞིང་སྒྲུབ་ཆེད་དུ་གྲ་སྒྲིག་ཟིང་ཟིང་ལོང་ལོང་བྱེད་བཞིན་འདུག ངས་ཀྱང་བདེ་ཆེན་ཞིང་སྒྲུབ་གཙོ་གཏོར་གསུམ་དང་། ཞིང་སྐྱོང་ཡབ་ཡུམ། ཆད་བརྟན་གཉིས་བཅས་གཏོར་མ་མདོར་བསྡུས་ཤིག་བཅས། མི་མང་ལག་ཏུ་གཡང་ཡོད་གསུངས་པ་ལྟར་དུས་ཡུན་ཐུང་ངུའི་ནང་མཆོད་པ་བཤམས་བཀོད་སོགས་ཚེགས་མེད་ངང་ལེགས་པར་གྲུབ། ཉིན་རྒྱབ་གནས་ཚང་ཆོས་གྲོགས་ཤེས་རབ་ལགས་ཀྱི་ནང་དུ་སོང་ནས་ཁ་བརྡ་རོལ་བཞིན་ལྷོད་ལྷོད་ངང་བསྡད།

Reflections on the 18th Annual Amitabha Dechen Shingdrup, Portland, OR and Trout Lake, WA

September 1st, 2025|

ཉིས་སྟོང་ཉེར་ལྔ་ཕྱི་ཟླ་ ༨/སྤྱི་ཚེས་༢༤/༢༥/༢༦/ བདེ་ཆེན་ཞིང་སྒྲུབ་ཆེན་མོ་ཐེངས་མ་བཅོ་བརྒྱད་པའམ་ལོ་འཁོར་བཅོ་བརྒྱད་པ་དེ་Portland ལ་འཚོགས་ལ་སོང་། ཕྱི་ཟླ་བརྒྱད་པའི་ཚེས་པ་ཉེར་བཞི་ཉེར་ལྔ་ཉེར་དྲུག་གསུམ་ལ་པོར་ལེན་ནུབ་བྱང་བོད་རིགས་ཚོགས་པས་གོ་སྒྲིག་འོག་བོད་ཁང་དུ་འཚོགས། སྔ་ལོའི་ཆོས་ཁྲིད་ཀུན་བཟང་བླ་མའི་ཞལ་ལུང་ལེགས་པར་གྲུབ་པ་མ་ཟད་འདི་ལོའི་དམིགས་བསལ་ཆོས་ཁྲིད་ལ་གནམ་ཆོས་འཕོ་བའི་ཁྲིད་སྦྱངས་སོགས་ཀྱང་བྱས། ངོས་ཀྱི་ཕྱི་རྒྱལ་བའི་སློབ་མ་འགའ་ཡང་མཉམ་ཞུགས་གནང་། ཉིན་ཐ་མ་གསུམ་ལ་ངོས་ཀྱི་བརྩེ་བའི་ཆོས་གྲོགས་བླ་མ་ཀོ་ཟེན་ལགས་ཀྱི་དགོན་པ Mount Adams Buddhist Temple ལ་སོང་ནས་འཕོ་བའི་ཁྲིད་སྦྱངས་དང་མདོར་ན་བདུན་སྔ་ཕྱི་གཉིས་བསྡོམས་པས་ཉིན་དྲུག་རིང་བདེ་ཆེན་ཞིང་སྒྲུབ་དང་ཚོགས་འཁོར་ཆོས་བཤད་སོགས་ལེགས་གྲུབ་བྱུང་། ང་ནི་བོད་རིགས་ཤིག་ཡིན་པའི་ཆ་ནས་མི་རིགས་འདི་རྣམས་ལ་ཆོས་ཀྱིས་ཕན་ཐོག་ཕྲན་བུ་རེ་བྱུང་ན་དེ་བས་འཚེངས། ལར་ནས་ཁོ་བོའི་རིགས་ཀྱི་བདག་པོ་སྐྱབས་མགོན་རྒྱལ་བའི་དབང་པོའི་ཉིས་སྟོང་ལྔ་ལོར་གུས་པའི་ཕྲག་པར་ཕྱག་གིས་བཅག་བཅག་གནང་བཞིན། “མ་འོངས་པར་ཁྱོད་རང་གིས་བོད་པ་ལ་རོགས་པ་བྱས་ན་ཡག་པོ་འདུག”ཅེས་བསླུ་མེད་རྡོ་རྗེའི་བཀའ་ལུང་ཟབ་མོ་སྤྱི་བོར་སྩལ་སོན་བྱུང་བས་དེ་ནས་བཟུང་སྟེ་བོད་རིགས་རྣམས་ལ་རང་ནུས་གང་ལྕོགས་རོགས་རམ་བྱས། མ་ཟད་ཚེ་ལྷག་ངོས་ཀྱང་ས་གནས་འདིར་གནས་སྤོ་བྱེད་ནས་ཆོས་དང་རིགས་གཞུང་སྐད་ཡིག་སོགས་མཉམ་སྤྱོད་བྱེད་ནས་བོད་རིགས་རྣམས་དང་ལྷན་སྐྱིད་སྡུག་མཉམ་མྱོང་བྱེད་འཆར་ཡོད། Tashi Delek! Sunday 8/24 marked the conclusion of the 18th Annual Amitabha Dechen Shingdrup 2025 in Portland. We