Recent Posts by Khenpo Karten Rinpoche and the MDC Volunteers
See more blog posts at http://www.khenpokarten.org/
ཡེ་ཤུའི་ལྷ་ཁང་ནང་དུ་ཆོས་བཤད་བྱས་པའི་ཉིན་མོ།
སྤྱིར་འཛམ་བུའི་གླིང་མི་རིགས་མི་འདྲ་བའི་དབང་གིས་ཆོས་ལུགས་ཀྱང་ཧ་ཅང་མང་པོ་ཞིག་དར་ཡོད། ཆོས་ལུགས་འགའ་ཤས་ནི་ལོ་སུམ་སྟོང་ཡར་ལྷག་ནས་དར་བའི་ཆོས་ལུགས་ཡོད་ཅིང་འགའ་ཤས་ནི་ལོ་བརྒྱ་ཕྲག་ལས་མ་ཕྱིན་པའང་ཡོད། ནང་པའི་ཆོས་ནི་འཇིག་རྟེན་འདིའི་དབང་དུ་བྱས་ན་ལོ་ཉིས་སྟོང་ལྔ་བརྒྱ་ཡར་ལྷག་ཕྱིན་ཡོད། ཆོས་ལུགས་དེ་རྣམས་ཀྱི་རྒྱུད་རིམ་གྱི་ཁྲོད་ནས་འགྲོ་བ་སེམས་ཅན་མང་པོ་ལ་སོ་སོའི་ཡིད་ཆེས་དང་བློ་གཏད་འགེལ་སའི་སྐྱབས་གནས་ཞིག་རྙེད་ནས་མི་མང་ས་ཡ་མང་པོར་གནས་སྐབས་དང་མཐར་ཐུག་ལ་ཕན་ཐོག་ཆེན་པོ་ཞིག་བྱུང་ཡོད། ཡང་ཆོས་ལུགས་འགའ་ཤས་ཀྱིས་ཆོས་ལུགས་ཕན་ཚུན་བར་ལ་རྙོག་དྲ་དང་། འཐེན་ཁྱེར། འཁྲུགས་རྩོད་སོགས་ཀྱི་དབང་གིས་མི་མང་པོར་བརྡབ་གསིག་བྱུང་བ་དང་། ད་ལྟ་ཡང་འབྱུང་བཞིན་པ་རེད། ནང་པ་སངས་རྒྱས་པའི་ཆོས་ལུགས་འདི་ནི་ཆོས་ལུགས་གཞན་དང་བསྡུར་ན་ལོ་རྒྱུས་ཀྱི་བྱུང་རིམ་ཐོག་ནས་ཆེས་སྔ་ཤོས་དེ་མིན་ཀྱང་། ལྟ་གྲུབ་ཀྱི་ཐོག་ནས་གླེང་ན་འཛམ་བུ་གླིང་གི་ཆོས་ལུགས་ནང་ནས་ཆེས་གཏིང་ཟབ་ཤོས་ཡིན་ཅེས་བཤད་ཀྱང་མི་ཆོག་པ་མེད་སྙམ། དེང་སང་ནུབ་ཕྱོགས་ལ་བོད་ཆོས་གསང་སྔགས་ཀྱི་བསྟན་པ་འདི་ལ་ཉིན་རེ་བཞིན་དགའ་མོས་བྱེད་མཁན་ཇེ་མང་ལ་འགྲོ་བཞིན་པ་འདི་ལ་རྒྱུ་མཚན་འགའ་ཤས་ཞིག་ཡོད་སྙམ། རྒྱུ་མཚན་དང་པོ་ནི། ནང་པའི་ཆོས་འདི་འཕགས་ཡུལ་ན་ལེནྜ་ནས་བསྲེག་བཅད་བརྡར་བའི་གསེར་བཞིན་དུ་དཔྱད་གསུམ་གྱིས་ལུང་རིག་དྲི་མ་མེད་པས་གཏན་ལ་ཕབས་པའི་ཆོས་ཚུལ་ཞིག་ཡིན་སྟབས་དེང་སང་ནུབ་ཕྱོགས་པའི་ཆོས་ལུགས་མང་པོ་ཞིག་ཤིན་ཏུ་སྐྲག་དགོས་ས་ཚན་རིག་པ་རྣམས་དང་མཉམ་དུ་༧གོང་ས་སྐྱབས་མགོན་ཡིད་བཞིན་ནོར་བུའི་གཙོས་བོད་ཀྱི་མཁས་དབང་བླ་སྤྲུལ་མང་པོའི་བགྲོ་གླེང་དང་མཚུངས་བསྡུར་བྱས་ནས་དེང་སང་ནུབ་ཕྱོགས་པའི་ཀླད་རྩའི་ཚན་རིག་པའི་མཁས་དབང་མང་པོ་ཞིག་ལ་ནང་ཆོས་ཀྱི་སེམས་ཁམས་རིག་པའི་ཐོག་ནས་བསམ་བློ་གཉིས་པ་ཞིག་མི་གཏོང་ཀ་མེད་དུ་གྱུར་ནས་ནུབ་ཕྱོགས་པའི་མི་མང་པོ་ཞིག་དེའི་སྟབས་ཀྱིས་ཡིད་དབང་འཕྲོག་པ་རེད་སྙམ།
Develop virtuous qualities
64 བརྩེ་བ། ཤེས་ཡོན། དྲང་བདེན་གསུམ་ནི་མི་ཚེ་འདིར་ཆེས་མེད་ཐབས་མེད་པ་ཞིག་ཡིན། དེ་གསུམ་ནི་སྒོར་མོས་ཉོ་རྒྱུ་མི་རྙེད། རང་གིས་ཐབས་ཤེས་བྱེད་དགོས། Loving kindness, knowledge, honesty: these three are indispensable to human life. They can’t be bought; we must develop them ourselves.
Be self-reliant
63 ལས་ཅི་ཞིག་བྱས། གྲོགས་སུ་དང་འགྲོགས། གནས་གང་དུ་བསྡད་ཀྱང་རང་ཚུགས་ཟུངས། གཞན་སེམས་མ་དཀྲུགས། Whatever you do, whoever you are with, wherever you stay, be self-reliant. Don’t disturb the minds of others.
Stay balanced with your livelihood
62 ཕྱི་དངོས་པོའི་དཔལ་འབྱོར་གྱིས་ནང་གི་བདེ་སྐྱིད་ལ་ཕན་ཐོག་གང་ཡང་མེད་པ་མ་ཟད་སེམས་ཀྱི་བདེ་སྐྱིད་རླག་བྱེད་ཀྱང་ཡིན། འོན་ཀྱང་གནས་སྐབས་མཐུན་རྐྱེན་ཙམ་ལ་མེད་ནའང་མི་འགྲིག གང་ལྟར་ཆ་སྙོམ་ཐུབ་དགོས། External wealth does not provide inner happiness; it can even cause the loss of our happiness. It is not okay if we lack the means to survive, of course; but in
True friends never let you down
61 ཁྱེད་རང་ལ་རྒྱུ་ནོར་དང་དབང་ཆ་ཡོད་པའི་སྐབས་སུ་འཛུམ་གྱིས་འཁོར་ཡོང་བ་དང་། གལ་སྲིད་ཁྱེད་རང་ལ་རྒྱུ་ནོར་དང་དབང་ཆ་མེད་པའི་སྐབས་སུ་གྱེས་འགྲོ་བ་དེ་ནི་གྲོགས་པོ་མ་རེད། གྲོགས་པོའི་མཆོག་ནི་ནམ་ཡང་མི་བསླུ་བ་ཞིག་ངེས་པར་དགོས། Those who smilingly befriend you when you are wealthy but desert you when you are not, are not true friends. The best friend is one who never fails you; we definitely
Rinpoche at the Center for Spiritual Awakenings
This past Sunday and Wednesday at the Center for Spiritual Awakening were wonderful; last Sunday, Rinpoche gave a teaching on 'Contentment, the Supreme of Wealth' with the help of expert translator Jampa Tharchin (David Molk)
The Truth always wins
60 ཁྱེད་རང་ལ་བདེན་པ་ཡོད་ན་དུས་ནམ་ཡང་སེམས་ཤུགས་ཆགས་དགོས་དོན་མེད། བདེན་པ་ནི་ནམ་ཡང་ཕམ་མི་སྲིད། བདེན་པ་ནི་དྲང་བདེན་གྱི་ཁྲིམས་དཔོན་ངོ་མ་དེ་ཡིན་པས་མཐའ་མཇུག་གི་རྒྱལ་ཁ་དེ་ཁྱེད་རང་ལ་མ་གཏོགས་མེད། If we have the truth we need never be discouraged; truth can never be defeated. Truth is decided by honest, objective judgment. In the end, none but truth will be victorious.
Regardless of outer conditions, always remember your friends
59 རང་ལ་དཔལ་འབྱོར་དང་། ཡོན་ཏན། སྙན་གྲགས་མཚོ་ལྟར་རྒྱས་ཀྱང་སྐབས་དེ་དུས་གྲོགས་པོ་ཉམས་ཐག་ཚོ་སེམས་གཏིང་ནས་བརྗེད་མི་རུང་། Even if you have wealth, good qualities, fame and reputation as vast as the ocean, don’t forget about your friends who may be less fortunate.