Recent Posts by Khenpo Karten Rinpoche and the MDC Volunteers
See more blog posts at http://www.khenpokarten.org/
Practice Ahimsa
29 དུས་ངན་སྙིགས་མའི་མི་ལ་ཚང་མར་འགུ་བར་དཀའ་བ་ཞིག་བྱེད་མ་ཐུབ་ཀྱང་། གང་ཐུབ་བྱོས། མ་མཐའ་ཡང་གནོད་འཚེ་བྱེད་མི་ཉན། Although not everyone can happily undergo the hardship of dealing with people of these degenerate times, do as well as you can. At least try not to harm them.
བོང་བུ་ཡོད་དུས་དྲིན་མི་གོ འགྱོད་པ་སྐྱེས་དུས་བོང་བུ་མེད།
དེ་རིང་ངས་ལོ་རྒྱུས་ཀྱི་སྒྲུང་ཐུང་ཞིག་བཤད་འདོད་བྱུང་།སྒྲུང་གི་མིང་ལ།༼བོང་བུ་ཡོད་དུས་དྲིན་མི་གོ འགྱོད་པ་སྐྱེས་དུས་བོང་བུ་མེད།༽གནའ་སྔ་མོ་ཞིག་ལ་བོད་ཁམས་ཀྱི་ཕྱོགས་སུ་ལུང་པ་ཞིག་ནང་ཁྱིམ་ཚང་འགའ་ཤས་མཉམ་དུ་བསྡད་ཡོད།མི་ཚང་དེ་རྣམས་དཔལ་འབྱོར་གྱི་འཚོ་བསྟེན་ཕལ་མོ་ཆེ་འབྲོག་ལས་ཁོ་ན་ཡིན།མི་ཚང་ཞིག་གི་མིང་ལ་༼ཆུང་ཚང་༽ཟེར། ཆུང་ཚང་ནང་ལ་སྒོ་ཕྱུགས་སེམས་ཅན་གཡག་དང་འབྲི། ར་དང་ལུག། རྟ་དང་བོང་བུ་སོགས་སེམས་ཅན་མང་པོ་ཡོད། ཇི་ཙམ་གྱིས་སེམས་ཅན་མང་བ་དེ་ཙམ་གྱིས་ལས་ཀ་མང་བ་ནི་སྤྱིར་གཏང་ཞིག་ཡིན། འཆར་ཅན་ལྟར་དུ་ཕ་མ་གཉིས་པོ་ཞོགས་སྔ་ལངས་ནུབ་ཉལ་ཕྱི་བྱེད་ནས་སེམས་ཅན་རྣམས་གསོ་སྐྱོང་གི་ཆེད་དུ་རྫོགས་རྒྱུ་མེད་པའི་ལས་ཀ་ལ་བྲེལ་བཞིན་ཡོད། ལར་ནི་ཕ་མ་གཉིས་ལ་ཕྲུ་གུ་མང་པོ་ཡོད་ཀྱང་ནམ་རྒྱུན་ནང་མིའི་ལས་ཀ་དང་ཕ་མ་གཉིས་ལ་གཞོག་འདེགས་བྱེད་མཁན་རེ་ཟུང་ལས་མེད། གསོ་སྐྱོང་བྱས་པའི་སེམས་ཅན་རྣམས་རྟ་དང་། གཡག་དང་ར་ལུག་སོགས་ཉིན་མོ་ཁྱུ་ཁྱུ་བྱེད་ནས་རི་མགོ་ལ་དེད་ཅིང་། མཚན་མོ་ནང་དུ་འབྱོར་སྐབས་འོ་མ་བཞོ་ནས་དེ་ལས་བྱུང་བའི་མར་དང་། ཆུར་བ་ཞོ་སོགས་ལ་བསྟེན་ནས་འཚོ་བ་སྐྱེལ་གྱི་ཡོད། དོན་ངོ་མར་བཤད་ན་མི་ཚང་དེའི་ནང་ལ་ཕན་ཐོག་ཆེ་ཤོས་ཅན་ཞིག་ཡོད་པ་དེ་ནི་བོང་བུ་ཞིག་ཡོད་པ་དེ་ཡིན། ཁྱིམ་ཚང་དེ་ལོ་རེར་དབྱར་ས་ནས་དགུན་ས་ལ་ཐེངས་མ་གཉིས་ལ་རུ་སྐྱས་སྤོ་བྱེད་དགོས་ཡོད། དབྱར་ཀ་ནོར་ལུག་སེམས་ཅན་རྣམས་འདེད་ནས་རི་མགོ་མཐོ་སར་འགྲོ་ནས་སྦྲ་གུར་ནང་དུ་ཟླ་བ་བཞི་དང་། དགུན་ཁ་གྲོང་པའི་ནང་དུ་ཡོང་ནས་ཁང་པའི་ནང་དུ་ཟླ་བ་བརྒྱད་བསྡད་ཀྱི་ཡོད། དེ་ནི་བོད་ཀྱི་འབྲོག་པ་ཡོངས་ཀྱི་དཀྱུས་མའི་འཚོ་བ་སྐྱེལ་སྟངས་ཞིག་ཡིན། སྐབས་དེ་དུས་མི་ཚང་དེ་ཡི་ནང་ཆས་དང་། སྦྲ་གུར། ཟས་གོས། ཐ་ན་ལོ་ལོན་རྒན་གོག་དང་། ཕྲུ་གུ་ཆུང་ཆུང་ཚུན་ཆད་ཚང་མ་བོང་བུ་དེའི་སྒལ་པར་ཁུར་ནས་འགྲོ་དགོས། བོང་བུ་དེ་དབྱར་ས་ནས་དགུན་སའི་བར་སྐབས་རེ་ཐེངས་མ་དྲུག་བདུན་ཙམ་ཅ་དངོས་དབོར་འདྲེན་བྱེད་ནས་འགྲོ་དགོས་ཡོད། སྐབས་དེ་དུས་ཀྱི་ལས་ངན་གྱི་བོང་བུ་དེ་དེང་སང་དོ་སྐྱེལ་སྣུམ་འཁོར་དང་གཅིག་པ་ཡིན། ཤིན་ཏུ་ཁྱད་མཚར་བོ་ཞིག་ལ་མི་ཚང་དེའི་ནང་དུ་ཕོ་གསར་མོ་གསར་བོང་བུ་དང་མཉམ་དུ་ཅ་དངོས་ཁྱེར་ཐུབ་མཁན་ཡོད་ཀྱང་བོང་བུ་ལ་མཉམ་རུབ་བྱེད་ནས་ཅ་དངོས་ཁྱེར་ནས་ཁྱིམ་ཚང་འདི་ལ་མཉམ་རུབ་བྱེད་རྒྱུ་ཕར་ཞོག། བསམ་ཡུལ་ལས་འདས་པ་ཞིག་ལ་བོང་བུའི་སྒལ་པར་ཅ་དངོས་ཁྱེར་ནས་འགྲོ་བཞིན་པའི་སྐབས་སུ་ཕྲུ་གུ་འགའ་ཤས་ཀྱིས་བོང་བུའི་འཕོངས་ལ་རྡོག་ཐོས་བཞུས་པ་དང་། འགའ་ཤས་ཞིག་ནས་མགོ་བོར་ལྕགས་ཚན་གྱིས་བྲབ་པ་སོགས་བྱེད་ཅིང་། ཁ་ནས་ལྟས་ངན་བོང་བུ་རྣ་རིང་ཁྱོད་མགྱོགས་པོ་འགྲོ་རྒྱུ་མེད་པ་ཅི་རེད། ཁྱོད་ཀྱི་མདོག་ངན་རབས་དང་། ཤེད་ཤུགས་ཆུང་རབས་སོགས་མ་རབས་ཐ་ཤལ་གྱི་ཚིག་མཚོན་གྱིས་བོང་བུའི་ཅ་དངོས་ཁྱེར་ནས་འགྲོ་བཞིན་པའི་སྐབས་སུ་འགོག་རྐྱེན་བར་ཆད་མང་པོ་བྱེད་ཀྱི་ཡོད། ངོ་མ་བཤད་ན་བོང་བུའི་སྒལ་པར་ཁྱེར་བཞིན་པའི་ཅ་དངོས་དེ་རྣམས་ནི་མི་ཚང་དེ་ཉིད་ཀྱི་ཡིན་པ་ལས་བོང་བུའི་མིན། མི་ཚང་དེའི་ནང་ལ་མི་དང་དུད་འགྲོ་སོགས་ཧ་ཅང་མང་པོ་མཉམ་དུ་བསྡད་ཡོད་ཀྱང་མི་ཚང་དེ་ལ་ལྷག་བསམ་དང་སེམས་ཤུགས་ཡོད་མཁན་ནི་ཉམ་ཆུང་བོང་བུ་དེ་གཅིག་པུ་ཡིན། གཞན་མི་ཚང་དེར་གཡག་དང་། རྟ་སོགས་ཅ་དངོས་དབོར་ཐུབ་མཁན་ཡོད་ཀྱང་ཁོ་རང་ཚོ་སོ་སོའི་རྩྭ་བཟང་ས་དང་ཆུ་ཞིམ་སའི་དཔེ་ལྟར་རང་མགོ་གར་ཐོན་བྱེད་ནས་འགྲོ་བ་ལས་མི་ཚང་འདིར་བསམ་བློ་གཏོང་གི་མེད། དེ་ནི་གཅིག་བྱས་ན་མི་ཚང་འདིའི་ནང་མི་རྣམས་ལ་ཇི་ལྟར་ཕན་བཏགས་བྱས་ཀྱང་དེ་ཉིད་ལ་བྱས་པ་དྲིན་བཟོའི་ཚབ་ཏུ་དྲིན་ལན་ལོག་འཇལ་བྱེད་མཁན་ཤ་སྟགས་ཡིན་པ་ཕལ་ཆེར་ཤེས་ནས་ཡིན་རྒྱུ་རེད་བསམ།
ངེས་པར་ཉིན་ཐོ་འབྲི་དགོས་པའི་རྒྱུ་མཚན།
ངེས་པར་ཉིན་ཐོ་འབྲི་དགོས་པའི་རྒྱུ་མཚན། དེ་རིང་ངས་ཉིན་ཐོ་འབྲི་དགོས་པའི་རྒྱུ་མཚན་ཁ་ཤས་ཞིག་གི་ཐོག་ནས་བཤད་ན་བསམ་བྱུང་། ངོས་ལ་ལྟོས་ན་ཉིན་ཐོ་འབྲི་རྒྱུ་ལ་ཧ་ཅང་དགའ་བོ་ཡོད། ༡༩༩༤་ཙམ་ནས་ངས་ཉིན་ཐོ་འབྲི་རྒྱུ་བོད་ནས་འགོ་འཛུགས་བྱས་པ་ཡིན། སྐབས་དེ་དུས་ཉིན་ཐོ་ཞེས་ཐ་སྙད་མི་ཟེར་བརྗེད་ཐོ་ཟེར་དར། ད་ལྟ་ནང་བཞིན་གློག་ཀླད་དང་། ལག་འཛིན་ཁ་པར་སོགས་སྒྲ་ཙམ་ཡང་མི་གྲགས་ཀྱང་སྨྱུག་ཤོག་ཐེབ་ཆག་ཀྱིས་ཉིན་ཐོ་ལག་པས་འབྲི་དར། དེ་ནས་༡༩༩༨ རྒྱ་གར་ལ་སྐྱབས་བཅོལ་ལ་ཡོང་ནས་བཟུང་སྟེ་ཉིན་ཐོ་འབྲི་རྒྱུ་སྟབས་ཇེ་བདེ་ལ་སོང་ནས་མུ་མཐུད་ནས་ཉིན་ཐོ་བྲིས། ཉིན་ཐོ་ཧ་ཅང་མང་པོ་ཡོད་ཀྱང་མདོར་བསྡུས་ནས་བཤད་ན་གསུམ་དུ་འདུས། དང་པོ་ནི། ཉིན་ལྟར་རང་གི་བྱས་བ་ཆེ་ཕྲ་གང་བྱས་ཉིན་ཐོའི་ལམ་དུ་བཀོད་པ་ཡིན་ན་ལོ་བཅུ་ཕྲག་འགའ་ཡི་རྗེས་ནས་ཕྱི་མིག་ཞིག་བལྟས་པ་ཡིན་ན་རང་བཞིན་གྱི་ཁྱེད་རང་གི་མི་ཚེའི་ལོ་རྒྱུས་དེབ་ཆེན་འཐུག་པོ་ཞིག་གྱུར་ཚར་ཡོད། གཉིས་པ་ནི། ཉིན་ཐོའི་རྒྱུད་ནས་ཁྱོད་རང་གི་རྩོམ་རིག་དང་། སྙན་ངག། སུམ་རྟག་དག་གསུམ་རང་བཞིན་གྱིས་ཡར་རྒྱས་སུ་འགྲོ་ཞིང་ལོ་བཅུ་ཕྲག་འགའ་ཡི་རྗེས་ནས་ཉིན་གཅིག་རིག་གནས་ཀྱི་འཛིན་གྲྭ་འགྲིམས་མ་དགོས་པར་རང་བཞིན་གྱིས་རྩོམ་པ་པོ་ཚད་ལྡན་ཞིག་ཏུ་འགྱུར་ཐུབ། གསུམ་པ་ན། ་ཉིན་རེ་བཞིན་དུ་མ་ཆད་པར་ཉིན་ཐོ་ལོ་འགའ་ཤས་སུ་བྲིས་པ་ཡིན་ན་ཐ་ན་ཁྱེད་རང་གི་བོད་ཡིག་མཛུབ་མནོན་ལ་ཧ་ཅང་བྱང་ཆུབ་ཅིང་ཐོགས་པ་མེད་པར་གྱུར་པ་ཡིན་ནོ། ང་ཚོ་བོད་རིགས་ཁྲོད་དུ་མི་ཚེའི་འཚོ་བའི་དེབ་འབྲི་རྒྱུ་དང་། བཀླག་རྒྱུ་དེ་ཙམ་དོ་སྣང་མེད་པའི་སྐྱོན་ཆ་ཞིག་ཡོད། ལྷག་པར་དུ་སོ་སོའི་མི་ཚེའི་ལོ་རྒྱུས་འབྲི་ཞིང་ཉར་ཚགས་བྱེད་རྒྱུ་ལ་དེ་བས་ཀྱང་དོ་སྣང་མེད་མཁན་གྱི་མི་རིགས་ཞིག་ཡིན། སྟོང་ཆ་འདི་ཁ་བསབ་གྱི་ཆེད་དུ་དེང་སང་འཛམ་གླིང་སྐར་ཆ་གཅིག་གི་ནང་ནས་མཛུབ་སྐོར་བྱེད་པའི་དུས་ཚོད་འདིར་ངེས་པར་ཅན་གྱིས་རྒྱལ་གཅེས་ཀྱི་དྲྭ་ཚིག་འདི་རྣམས་བདེ་སྤྱོད་བྱེད་དགོས། དཔེར་ན་དེང་སང་འཛམ་གླིང་ནང་ཆེས་སྐད་གྲགས་ཅན་གྱི་མི་སྣ་མང་པོ་ཞིག་དྲྭ་རྒྱའི་རྒྱུད་ལམ་Google Search the world's information,འདིའི་ཐོག་བདམ་གསེས་གནང་ནས་བྱ་དགའ་དང་གཟེངས་རྟགས་སོགས་འབུལ་གྱི་ཡོད། ཉེ་བའི་ཆར་ཐེ་ཝན་ལ་བཞུགས་པའི་ངོས་ཀྱི་གྲོགས་པོ་ཞིག་ལ་ངེས་པར་དྲྭ་རྒྱ་Website ཞིག་དང་ཉིན་ཐོ་Blog ཞིག་མཉམ་དུ་བཟོས་དང་། ངས་ཁྱེད་ལ་རོགས་རམ་གང་ཐུབ་བྱེད་ཆོག་ཞུས་པ་ཡིན། ཁོང་གི་བཞུགས་གནས་ཐེ་ཝན་ལ་ད་དུང་དྲྭ་རྒྱའི་བསྟན་པ་དར་མེད་པ་འདྲ་འདོད་མོས་དེ་ཙམ་གནང་མ་སོང་། ཁོང་ནི་བོད་ཀྱི་བླ་ཆེན་ཞིག་ཡིན་པ་མ་ཟད་ཐེ་ཝན་སོགས་ལ་ཆོས་ཚོགས་མང་ཞིང་ཆོས་ཕྱོགས་ཀྱི་ཕྱག་ལས་ཧ་ཅང་ཡག་པོ་གནང་མཁན་ཞིག་ཡིན་སྟབས་གལ་སྲིད་ཁོང་ནས་དྲྭ་རྒྱ་ཡག་པོ་ཞིག་ཡོད་ན་ཁོང་གི་ཕྱག་ལས་ལ་གཞོགས་འདེགས་ཀྱི་ཕན་ཐོག་ཆེན་པོ་ཞིག་ཡོང་གི་རེད་བསམ། ངས་དྲྭ་རྒྱ་དང་པོ་སྒོ་འབྱེད་བལ་ཡུལ་ནས་༢༠༠༣་བྱས་པ་ཡིན། སྐབས་དེ་དུས་ཆོས་སྲིད་ཀྱི་སྙོམ་ལག་མ་རྒྱས་པའི་སྒང་ཡིན་ཀྱང་ཧ་ཅང་ཕན་ཐོག་ཆེན་པོ་བྱུང་།
What rises will fall; remain humble
28 བློ་བུར་དུ་ལམ་འགྲོའི་དབང་གིས་རྒྱུ་ནོར་དང་གོ་ས་སྐད་གྲགས་སོགས་ཆགས་པའི་སྐབས་སུ་ང་རྒྱལ་གྱི་མགོ་འཕངས་མཐོ་མ་སྔ། གང་ཡིན་ཟེར་ན། མཐོན་པོའི་མཐའ་མ་ལྷུང་བ་ཆོས་ཉིད་ཡིན་པས་མ་བརྗེད་པར་བྱོས། སང་ཉིན་གང་ཡོང་སུས་ཀྱང་བཤད་ཚོད་མི་ཐེག། རྟག་ཏུ་དམན་ས་ཟུངས། When you obtain wealth, position, or fame, and so forth, due to sudden good luck, don’t develop pride of high status. Why is that? Because it is the
གླིང་སྤྲུལ་རིན་པོ་ཆེའི་མདུན་ལ་སོང་བའི་ཉིན་མོ།
ཉེ་བའི་ཆར་སྔ་ནས་དུས་ཆད་བྱས་པ་ལྟར་ཆོས་ཚོགས་ཀྱི་འགན་འཛིན་ཟུར་པ་ཆོས་མིང་དུ་པདྨ་སྒྲོལ་དཀར་ཡུལ་མིང་དུ་Heidi ཞེས་ལོ་མང་རིང་ང་ཡི་སློབ་མ་རྙིང་ཤོས་སུ་གྱུར་པ་ཕ་ཡུལ་ཇོར་མེན་ནས་ཡིན་པའི་ཨ་མ་དེས་ཁ་རྩང་ཞོགས་པ་རླངས་འཁོར་སྐོར་ནས་ཆུ་ཚོད་གཅིག་ཙམ་སར་བཞུགས་པའི་གུས་པའི་རིང་ནས་འདྲིས་པའི་ཆོས་གྲོགས་བླ་མ་ལེགས་བཤད་བཟང་པོའི་ནང་དུ་སོང་། དེ་ནི་དེ་རིང་ངེད་གཉིས་ཀ་མགོ་ལོག་ཁྲ་གླིང་དགོན་པའི་བསྟན་བདག་གླིང་སྤྲུལ་རིན་པོ་ཆེ་མཇལ་ལ་མཉམ་དུ་འགྲོ་རྒྱུ་དེ་ཡིན། གླིང་སྤྲུལ་རིན་པོ་ཆེ་ནི་ཕ་ཡུལ་མགོ་ལོག་གླིང་གེ་སར་གྱི་དགོན་པ་ཡོངས་གྲགས་དུ་༼༼ཁྲ་གླིང་དགོན།༽ཞེས་པ་སྔ་འགྱུར་རྙིང་མའི་མ་དགོན་དྲུག་ལས། སྟོད་ནས་རྡོར་སྨིན་གཉིས། བར་ནས་ཞེ་རྫོགས་གཉིས། སྨད་ནས་ཀཿདཔལ་གཉིས་ཞེས་ཡོངས་གྲགས་སུ་རྙིང་མའི་དགོན་ཞེན་དྲུག་གི་ཡ་གྱལ། ཤར་རྒྱལ་བ་ཀཿཐོག་པའི་ཆོས་རྒྱུད་ཀྱི་ཁོངས་གཏོགས་ཁྲ་གླིང་དགོན་ནས་རེད་འདུག། ཁྲ་གླིང་དགོན་ནི་གེ་སར་གྱི་ཁྲ་མོ་གླིང་ཞེས་པའི་བསྡུས་མིང་ཞིག་ཡིན་སྐད་འདུག། གང་ལྟར་གླིང་སྤྲུལ་རིན་པོ་ཆེ་ནི་མགོ་ལོག་ཁྲ་གླིང་དགོན་པའི་བསྟན་བདག་བླ་ཆེན་ཞིག་ཡིན་པ་སྔ་མོ་ནས་ཐོས་མྱོང་ཡོད། ཉིས་སྟོང་ལྔ་ལོར་མ་ལེ་ཤཱ་སོགས་ལ་སྐོར་ཉུལ་བྱེད་བཞིན་པའི་སྐབས་སུ་སྟེས་དབང་གིས་ཉིན་གཅིག་མ་ལེ་ཤཱའི་རྒྱལ་ས་ཀོ་ལ་ལམྦུ་ནས་རྙིང་མའི་ཆོས་ཚོགས་ཞིག་ནང་དུ་ཐེངས་དང་པོ་གླིང་སྤྲུལ་རིན་པོ་ཆེ་དང་ངོ་ཤེས་བྱུང་། (To read the full post in Tibetan, check out Rinpoche's blog)
Be confident, not prideful
27 སྤོབས་པ་ནི་བརྩོན་འགྲུས་ཀྱི་གྲོགས་ཡག་ཤོས་དེ་ཡིན། བརྩོན་འགྲུས་ཡོད་ན་ལས་རྣམས་བདེ་བླགས་ཀྱིས་འགྲུབ། ང་རྒྱལ་ནི་བློ་ཉོན་མོངས་ཅན་གྱི་ཕྱོགས་སུ་ལྷུང་བས་སྤོབས་པ་དང་ཐ་དད་ཡིན། ང་རྒྱལ་སྤངས་ཤིང་སྤོབས་པ་སྒྲུབས་དགོས། Confidence and courage is the best support for perseverance. With joyful effort work is easily accomplished. With pride, we fall into delusion; it is different from confidence. We should abandon
The Truth always prevails!
26 རང་ལ་ཉེས་པ་མེད་ན་མི་ཡིས་གང་བཤད་ཀྱང་ཁྱད་པར་མེད། ནམ་ཞིག་ཁྱེད་རང་བདེན་པའི་རྒྱལ་ཁ་ཐོབ། དྲང་བདེན་ནི་ནམ་ཡང་ཕམ་མི་སྲིད། If you are without fault it doesn’t matter what others say. Eventually truth will win out and you will become victorious. Honest truth is never defeated.
མི་གཤིས་དང་། ཡ་རབས་བཟང་སྤྱོད་དགོས་རྒྱུ་གལ་ཆེན་པོ་ཡིན་པ།
དུས་གསུམ་སངས་རྒྱས་ཐམས་ཅད་ཀྱི་ངོ་བོ། རིགས་དང་དཀྱིལ་འཁོར་རྒྱ་མཚོའི་ཁྱབ་བདག བཀའ་དྲིན་མཚུངས་པ་མེད་པའི་དཔལ་མགོན་དྲིན་ཆེན་བླ་མ་དམ་པའི་ཞབས་ཀྱི་རྡུལ་དྲི་མ་མེད་པ་ལ་མགོ་བོས་རབ་ཏུ་བཏུད་དེ་གུས་པས་ཕྱག་འཚལ་ཞིང་། སྐྱབས་སུ་མཆིའོ། རྒྱུད་བྱིན་གྱིས་བརླབ་པར་མཛད་དུ་གསོལ། རྣམ་དག་ཚུལ་ཁྲིམས་གཙང་མའི་ས་གཞི་ལ། །ཏིང་འཛིན་དཔག་མེད་རི་ཀླུང་བཀོད་པས་མཛེས།། ཤེས་རབ་ཉི་ཟླའི་སྣང་བས་ཆོས་ཀུན་གསལ། །ཐུབ་མཆོག་དོན་ཀུན་གྲུབ་པས་དགེ་ལེགས་སྩོལ།། (To read the full post in Tibetan, check out Rinpoche's blog)