Recent Posts by Khenpo Karten Rinpoche and the MDC Volunteers
See more blog posts at http://www.khenpokarten.org/
Try to be patient with whatever happens, pleasant or not
52 གནས་སྐབས་ཙམ་ལ་སྐྱིད་སྡུག་གང་བྱུང་ཡང་གློ་བུར་དུ་ལུས་ངག་གི་རྣམ་འགྱུར་ཕྱི་རུ་སྟོན་སྔ་མ་བྱེད། སང་ཉིན་ག་རེ་ཡོང་གི་ཡོད་སུས་ཀྱང་བཤད་ཚོད་མི་ཐེག སྐྱིད་སྡུག་གང་ཡིན་ཡང་ཁུར་དུ་ཐེག་པ་བྱེད་དགོས། Although suffering temporarily arises, don’t suddenly react with physical and verbal expressions. No one knows what may happen tomorrow. Try to be patient with whatever happens, pleasant or not.
Do not judge a book by its cover
51 གནས་སྐབས་ཁྱེད་རང་གི་མིག་སྔར་མཛེས་མིན་ཙམ་གྱིས་མ་དགའ་བ་བྱེད་མི་ཉན། བོད་ཀྱི་ཁ་དཔེར། སྟག་གི་རི་མོ་ཕྱི་རུ་ཡོད་ཀྱང་། མི་ཡི་རི་མོ་ནང་དུ་ཡོད་ཅེས་པའི་དཔེ་ལྟར་མི་ཡག་སྡུག་ནི་སེམས་ནང་ནས་དབྱེ་བ་འབྱེད་དགོས། It is not good to dislike someone just because they look unpleasant to you at the moment. As the Tibetan saying goes, ‘You can recognize a tiger by their stripes,
ཨ་རིའི་པོར་ལེན་བདེ་ཆེན་ཞིང་སྒྲུབ་ཐེངས་མ་བཅོ་ལྔ་པའམ་ལོ་འཁོར་བཅོ་ལྔ་པ།
འདས་པའི་ལོ་འགའ་ཡི་རིང་འཛམ་གླིང་སྤྱི་ལ་ཡ་ང་དང་སྙིང་རྗེ་སྤུ་ཙམ་ཡང་མེད་པའི་ཏོག་དབྱིབས་ནད་ཡམས་གསར་རྙིང་མང་པོ་ཞིག་གཅིག་རྗེས་གཉིས་མཐུད་དུ་སླེབས་ནས་འགྲོ་བ་མི་ལ་དཀའ་ངལ་སྣ་ཚོགས་འཕྲད་པའི་རྐྱེན་གྱིས་གུས་པས་འཚོགས་བཞིན་པའི་རྒྱ་གར་ལྷོ་ཕྱོགས་བདེ་ཆེན་ཞིང་སྒྲུབ་དང་། ཨ་རིའི་པོར་ལེན་བདེ་ཆེན་ཞིང་སྒྲུབ་སོགས་དྲྭ་རྒྱའི་རྒྱུད་ལས་མ་གཏོགས་དངོས་སུ་འཚོགས་མ་ཐུབ་ནས་ལོ་འགའ་སོང་། ད་ལོར་འགྲོ་བ་མི་ལ་ནད་ཡམས་ཀྱིས་ཅུང་གུ་ཡངས་གཏང་བའི་དུས་སྐབས་སུ་ཨ་རིའི་ནུབ་བྱང་བོད་རིགས་ཚོགས་པས་གྲ་སྒྲིག་ལྟར་སྤྱི་ཟླ་དགུ་པའི་ཚེས་བཅོ་ལྔ་ནས་སྔ་ཕྱི་སྡོམ་པས་ཉིན་དྲུག་རིང་བདེ་ཆེན་ཞིང་སྒྲུབ་ཆེན་མོ་འཚོགས། འདི་ལོའི་བདེ་ཆེན་ཞིང་སྒྲུབ་ལ་གུས་པའི་ཆོས་གྲོགས་འབྲས་སྤུངས་བློ་གསལ་གླིང་གི་དགེ་བའི་བཤེས་གཉེན་ཆེན་མོ་བློ་བཟང་དཀོན་མཆོག་ལགས་ཀྱང་ཆེད་ཕེབས་གནང་བ་ལ་ངེད་ཞིང་སྒྲུབ་བླ་སློབ་ཡོངས་ལ་ཧ་ཅང་བསྐལ་པ་བཟང་པོར་གྱུར། དགེ་བཤེས་ལགས་ནས་ཀྱང་དམ་པའི་ཆོས་ཀྱི་ཕན་ཡོན་དང་། ཁོང་ཁྲོའི་ཉེས་དམིགས་སོགས་ཀྱི་བཀའ་སློབ་ཡང་གནང་། ཉིན་ཐ་མ་གསུམ་རིང་ང་ཡི་ཆོས་གྲོགས་བླ་མ་ཀོ་ཟེན་གྱི་ཆོས་ཚོགས་སུ་བདེ་ཆེན་ཞིང་སྒྲུབ་བླ་སློབ་ཡོངས་རྫོགས་མཚམས་ལ་སོང་། ད་ལོའི་བདེ་ཆེན་ཞིང་སྒྲུབ་ཁོག་ཏུ་སྔ་ལོར་དབུ་འཛུགས་བྱས་པའི་རྫ་དཔའ་སྤྲུལ་གྱིས་མཛད་པའི་༼ཀུན་བཟང་བླ་མའི་ཞལ་ལུང་། ༽འཕྲོ་དེ་མུ་མཐུད་ནས་ཁྲིད་ལུང་ཚུལ་དུ་བཏོན། ཉིན་གསུམ་པའི་སྐབས་སུ་བླ་མ་ཀོ་ཟེན་ལགས་ནས་ཀྱང་སྙིང་རྗེའི་ཉམས་ལེན་སྐོར་ནུབ་ཕྱོགས་པའི་ལུགས་ལྟར་ཆོས་བཤད་ཀྱང་གནང་། བླ་མ་ཀོ་ཟེན་ལགས་ནི་ཆོས་ལུགས་ཝེར་ནམ་དང་། ཉི་ཧོང་གཉིས་འདྲེས་མ་དེང་དུས་གཟེན་གྱི་ཆོས་ལུགས་ཉམས་ལེན་གནང་མཁན་ཨ་རི་བའི་དགེ་སློང་ཞིག་ཡིན། འོན་ཀྱང་ཁོང་ནི་ཆོས་ལུགས་རིས་མེད་ལ་དོ་སྣང་དང་ཉམས་ལེན་གནང་མཁན་ཞིག་ཡིན་སྟབས་ངེད་གཉིས་ཀྱི་ལྟ་སྤྱོད་མང་པོ་ཞིག་ནས་མ་བགྲོས་བསམ་པ་གཅིག་མཐུན་ཟེར་བ་དེ་རང་རེད་འདུག། གང་ལྟར་གནས་སྐབས་ཆོས་ལུགས་ཀྱི་མིང་དང་ཐ་སྙད་མི་འདྲ་བ་ཙམ་ལས་དོན་དུ་སྟོན་པ་གཅིག་གི་རྗེས་འབྲངས་ཤ་སྟག་ཡིན་སྟབས་བོད་ཀྱི་ཁ་དཔེར། རི་གཅིག་ལ་འཁོར་བའི་ལུག་ཁྱུ་དང་། ཆུ་གཅིག་ལ་གནས་པའི་ཉ་སྲམ་ཞེས་པའི་དཔེ་ལྟར་ངེད་གཉིས་ནི་ལས་ཀྱི་དབང་གིས་ལོ་མང་རིང་ལྟ་སྤྱོད་མཐུན་པའི་ཆོས་ཀྱི་གྲོགས་པོ་ཞིག་ཏུ་གྱུར།བླ་མ་ཀོ་ཟེན་ལགས་ཀྱི་གཙུག་ལག་ཁང་དང་དགོན་པའི་ཆགས་ཡུལ་དང་ཁོར་ཡུག་ནི། དབེན་ཞིང་ཉམས་དགའ་ལ། ཡིད་དུ་འོང་བ། རི་མགོར་གངས་རི་དང་། རི་སྐེད་དུ་ནགས་ཚལ། དགོན་པའི་ཉེ་འགྲམ་དུ་མཚེའུ་དང་། རྒྱུག་ཆུ་སོགས་ཧ་ཅང་མཛེས་སྡུག་དང་ལྡན་པ་འདུགདེ་ནི་རྒྱལ་སྲས་ཆེན་པོ་ཞི་བ་ལྷའི་སྤྱོད་འཇུག་བསམ་གཏན་ལེའུ་ལས། ནགས་ན་རི་དྭགས་བྱ་རྣམས་དང་། །ཤིང་རྣམས་མི་སྙན་བརྗོད་མི་བྱེད།།འགྲོགས་ན་བདེ་བ་དེ་དག་དང་། །ནམ་ཞིག་ལྷན་ཅིག་གནས་པར་འདོད། །ཕུག་གམ་ལྷ་ཁང་སྟོང་པའམ། །ལྗོན་ཤིང་དྲུང་དུ་གནས་བཅས་ཏེ།།ནམ་ཞིག་རྒྱབ་ཏུ་མི་ལྟ་ཞིང་། །ཆགས་པ་མེད་པར་འགྱུར་ཞིག་གུ། །ས་ཕྱོགས་བདག་གིར་བཟུང་མེད་པ། །རང་བཞིན་གྱིས་ནི་ཡོངས་རྣམས་སུ།།རང་དབང་སྤྱད་ཅིང་ཆགས་མེད་པར། །ནམ་ཞིག་བདག་ནི་གནས་པར་འགྱུར།ཞེས་སོགས་ཇི་ལྟར་གསུངས་པ་ལྟར་དབེན་པའི་གནས་ཀྱི་ཡོན་ཏན་མ་ཚང་མེད་པ་གདའོ།ད་ལོའི་བདེ་ཆེན་ཞིང་སྒྲུབ་སྐབས་སུ་ནུབ་ཕྱོགས་པའི་ངོས་ཀྱི་ཆོགས་གྲོགས་འགའ་ཤས་ཀྱང་ཕེབས་འདུག བདེ་ཆེན་ལགས་ནས་ང་ཡི་ཆོས་བཤད་སྙིང་བསྡུས་རྣམས་སྔ་དགོང་བར་གསེང་སྐབས་སུ་སྐད་བསྒྱུར་ཀྱང་གནང་།བདེ་ཆེན་ཞིང་སྒྲུབ་དངོས་གཞིའི་སྐབས་སུ་ཞོགས་པ་སྔ་བོར་ལངས་ནས་གསོ་སྦྱོང་གི་སྡོམ་པ་མཉམ་ལེན་དང་། དམར་ཟས་སྤངས་ཤིང་ཉིན་གུང་གསོལ་ཚིག་གྲུབ་ནས་རྒན་གོག་དང་། ནད་པ་ཡིན་ན་མ་གཏོགས་དགོང་ཟས་ཀྱང་མི་བཟའ། བདུན་གཉིས་ཀྱི་བར་གསེང་ཉིན་གསུམ་རིང་ང་ཡི་གུང་སང་ཡིན་སྟབས་བོད་རིགས་མི་ཚང་རེ་རེ་བཞིན་མགྲོན་འབོད་ལྟར་འགྲོ་ནས་བོད་ཟས་མོག་མོག་དང་།
The real value of a person is having a kind heart
50 མི་ཡི་རིན་ཐང་ངོ་མ་དེ་བསམ་པ་བཟང་པོ་ཡིན། གལ་སྲིད་དེ་མེད་ན་མི་ཡི་གཟུགས་བརྙན་ཙམ་ཡིན། གཞན་ཕན་གྱི་བསམ་པ་བཟང་པོ་འདི་མ་རླག་པར་བྱེད་དགོས། The real value of a person is in having a kind heart. If we lack that we are only the facsimile of a human being. Never lose the kind heart of
We are temporary guests in this world; live without regret
49 ང་ཚོ་ནི་གནས་སྐབས་རིང་མི་ཡུལ་འདིར་ལས་ཀྱིས་ལྷན་དུ་འཛོམས་པའི་མགྲོན་པོ་ཞིག་ཡིན། མཛེས་སྡུག་ལྡན་པའི་མི་ཡུལ་འདིར་བསྡད་པའི་རིང་། བསམ་སྦྱོར་ངན་པས་མི་དགེ་བ་ཁོ་ན་བྱས་ན་ནམ་ཞིག་རང་ཉིད་གཅིག་པུར་མི་ཡུལ་འདིར་ཁ་བྲལ་བའི་ཉིན་མོ་འགྱོད་གདུང་གི་སྡུག་གི་ཁུར་པོ་ལྗིད་ཏིག་གེ་བ་ཞིག་གིས་ནོན་ན་ཕྱིས་ཚར་བ་ཡིན་པས་ད་ལྟ་ནས་འཆི་ཁར་མི་འགྱོད་པ་ཞིག་བྱེད་དགོས། We are temporary guests who have gathered together in the world of humankind due to karma. If we think and act badly while we are living in this beautiful world,
Examine oneself, not others’ faults
48 ཁྱེད་ཀྱིས་རྟག་པར་གཞན་སྐྱོན་མཐོང་གི་ཡོད་ཀྱང་། རང་སྐྱོན་མཐོང་དཀའ། དཔེར་ན། མིག་གིས་ཐག་རིང་གི་དངོས་པོ་ཚང་མ་མཐོང་ཡང་། ཧ་ཅང་ཐག་ཉེར་ཡོད་པའི་ཁྱེད་རང་གི་གདོང་པ་མི་མཐོང་། དེ་བས་རྟག་པར་གཞན་སྐྱོན་ཁོ་ན་མ་འཚོལ་ནས་ཁྱེད་རང་ལ་བརྟག་དཔྱད་བྱོས། We always see others’ faults but it is difficult to see our own faults. For example, although we clearly see things that are distant, we can’t see some
The pitfall of jealousy
47 གཞན་གྱི་ལེགས་བྱས་དང་། དཔལ་འབྱོར་ཡོན་ཏན་སོགས་ལ་ཕྲག་དོག་བྱེད་མི་ཉན། ཕྲག་དོག་གིས་མི་ལ་གནོད་རྒྱུ་ཕར་ཞོག་རང་སེམས་འཁྲུགས་ནས་རང་གིས་རང་ཕུང་ལ་སྦྱར་ཉེན་ཡོད་པས་གཟབ་དགོས། It is useless to be jealous of others’ wealth, knowledge, or good deeds. Our jealousy will not harm the other person. Instead, it will harm us and disturb our mind; so
Spiritual realization and one’s parents
46 ཡོན་ཏན་ཅན་དང་། ཕ་མ་དེ་བཞིན་མཁས་པ་རྣམས་ལ་གུས་པས་བཀུར་དགོས། ད་ལྟའི་ཁྱེད་རང་གི་རྒྱུད་ལ་ཡོད་པའི་ཤེས་བྱ་དང་ལེགས་པའི་ཆ་རྣམས་ཁོང་རྣམ་པའི་སྐུ་དྲིན་ལས་བྱུང་བ་ཡིན། The wise show respect to their parents and to those with qualities of spiritual realization. All knowledge and good qualities we have in our mind comes from their kindness.