Recent Posts by Khenpo Karten Rinpoche and the MDC Volunteers
See more blog posts at http://www.khenpokarten.org/
“With devotion, the benefits can be vast.”
This is a short and heartfelt post written by Karma Palden (Miles McBreen) after spending the morning with Rinpoche at the beach in Pacific Grove: We are so very fortunate to have authentic and highly
སྤུན་མཆེད་རྣམས་ལ་གདམས་པའི་བསླབ་བྱ།
སྤུན་མཆེད་རྣམས་ལ་གདམས་པའི་བསླབ་བྱ། སྒྲ་ཕབས་པ་ཉི་མ་ཚེ་རིང་། གསུང་པ་པོ་མཁན་པོ་ཀར་བསྟན། ༼སྒྲ་སྒམ་དང་པོ།༽ འཇམ་དཔལ་རྡོ་རྗེའི་ངག་ལ་དབང་འབྱོར་ཞིང་།། བློ་གྲོས་བུམ་བཟང་ཡེ་ཤེས་བདུད་རྩིས་གཏམས།། བསྟན་འཛིན་རྒྱ་ཆེན་རོལ་མཚོ་མཛེས་པའི་རྒྱན།། འཕགས་མཆོག་ཕྱག་ན་པདྨོར་གསོལ་བ་འདེབས། །འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས།། དུས་གསུམ་སངས་རྒྱས་ཀུན་གྱི་ངོ་བོ་ཉིད།། རང་སེམས་ཆོས་སྐུ་མངོན་སུམ་སྟོན་མཛད་པའི།། རྩ་བའི་བླ་མ་རྣམས་ལ་གསོལ་བ་འདེབས།། ཡོན་ཏན་སངས་རྒྱས་ཀུན་དང་མཉམ་ན་ཡང་།། བཀའ་དྲིན་སངས་རྒྱས་ཀུན་བས་ལྷག་པའི་མགོན། ། རྩ་བའི་བླ་མའི་ཞབས་ལ་གསོལ་བ་འདེབས།། གནས་ལུགས་རྟོགས་པ་སྐྱེ་བར་བྱིན་གྱིས་རློབས།། http://www.khenpokarten.org/2022/02/blog-post_8.html
གཏེར་སྟོན་ནམ་མཁའ་དྲི་མེད་རིན་པོ་ཆེ་རྨི་ལམ་ནང་ནས་མཇལ་བ།
གཏེར་སྟོན་ནམ་མཁའ་དྲི་མེད་རིན་པོ་ཆེ་རྨི་ལམ་ནང་ནས་མཇལ་བ། སྤྱི་ལོ་༢༠༢༢་ཟླ་བ་༡་པོའི་ཚེས་པ་༡༧ དགུང་མོ་ཆུ་ཚོད་དྲུག་པའི་སྐབས་སུ་འཆར་ཅན་ལྟར་དུ་ཡོད་པའི་འཛུམ་ནང་ནས་བོད་རིགས་དང་ཕྱི་རྒྱལ་བ་སོགས་དང་ལྷན་སངས་རྒྱས་འོད་དཔག་མེད་ཀྱི་ཆོ་ག་འདོན་སྒོམ་ཆུ་ཚོད་གཅིག་རིང་མཉམ་དུ་བྱས་ནས་མ་ཉལ་བའི་གོང་དུ་ཕྲིན་བཅོལ་ཡེ་ནས་མ་བྱས་པར་ཡུན་རིང་སྣང་མེད་དུ་ཤོར་བའི་བོད་སྐྱོང་ཡུལ་ལྷ་གཞི་བདག་དང་། ལྷག་པར་ངོས་ཀྱི་ཕ་སྐྱེས་ཀྱི་ཡུལ་ལྷ་ཟོར་དོར་ཆེན་པོ་བཙན་རྒོད་མདོ་ཁམས་སྐུ་རྒྱལ་ལའང་ཕྲིན་བཅོལ་མདོར་བསྡུས་ཞིག་གཏང་ནས་ཉལ་སར་སོང་ནས་གཉིད་དུ་ཡུར། ཞོགས་པ་ཆུ་ཚོད་བཞི་ཙམ་གྱི་སྐབས་སུ་རྨི་ལམ་འདི་འདྲ་ཞིག་གཏང་། ང་ནི་བོད་ཀྱི་ས་ཆ་འདྲ་བོ་ཤིང་གི་སྒོམ་ཁང་ཞིག་གི་ནང་དུ་ཁ་འདོན་འདྲ་བྱས་ནས་བསྡད་འདུག ཁང་པ་དེར་ཤེལ་གྱི་སྒེའུ་ཁུང་ཞིག་འདུག སྒེའུ་ཁུང་རྒྱབ་ལོགས་ནས་མི་ཞིག་གིས་ང་ཡི་མིང་ནས་བཟུང་ནས་འབོད་ཀྱི་འདུག མི་དེས་འདི་ལྟར་ཟེར། ༼ཁྱོད་རང་དྲི་མེད་འོད་ཟེར་ནས་ཁང་པའི་ཕྱི་ལ་ཤོག་གསུང་གི་འདུག༽ཟེར་ངས་དྲི་མེད་འོད་ཟེར་སུ་རེད་དྲིས་ཀྱང་ཁོས་ལན་སྟེར་མ་སོང་། ངས་དྲི་མེད་འོད་ཟེར་སུ་ཡིན་ནམ་མི་དེ་ལ་གང་འདྲ་ཞིག་ཡོད་ན་བསམ་ནས་ཁ་འདོན་རྣམས་མཚམས་བཞག་ནས་ཁང་པའི་ཕྱི་རུ་ཐོན་པ་ཡིན། ཁང་པའི་ཕྱི་ནས་གཡས་གཡོན་ཚང་མར་དྲི་མེད་འོད་ཟེར་བཙལ་ཡང་རྙེད་མ་སོང་། ཁང་པའི་རྒྱབ་ལོགས་སུ་སོང་དུས་མཐོ་ལ་མཛེས་ཤིང་ཡིད་དུ་འོང་བའི་ཤིང་གི་སྒོམ་ཁང་ཞིག་གི་སྒེའུ་ཁུང་ནང་ནས་མི་ཞིག་གི་མགོ་བོ་མཐོང་གི་འདུག། ང་དེར་ཆེད་དུ་གཏད་ནས་སོང་བས་ཁང་པའི་འཁྲིས་སུ་སླེབས་པ་དང་མཉམ་དུ་གོས་ཆེན་དམར་སེར་གྱི་སྟོད་འབོག་མནབས་ཞིང་མགུལ་ལ་བོ་དྷི་ཙི་ཏའི་ཕྲེང་བ་ཆུ་ལོང་ཙམ་ཞིག་གྱོན་ནས་བགྲེས་ཉམས་ཅན་གྱི་བླ་མ་ཞིག་གིས་སྤྱན་ཁྲ་གོར་གོར་ང་ལ་གཟིགས་ནས་བཞུགས་འདུག http://www.khenpokarten.org/2022/02/blog-post.html
Love, Joy, and Happiness
རྗེ་སྒམ་པོ་པ་བསོད་ནམས་རིན་ཆེན་གྱིས་མཛད་པའི། “ལམ་མཆོག་རིན་ཆེན་ཕྲེང་བ” ལོ་གཅིག་གི་རིང་ལ་བོད་རིགས་དང་། དབྱིན་ཇི། རྒྱ་རིགས་སོགས་ཆོས་གྲོགས་མང་དག་ཞིག་ལ་འཆད་ཁྲིད་བྱས་ནས་དེ་རིང་ལེགས་པར་གྲུབ། འདི་ལོའི་གསར་ལོ་ཚུར་འཆར་སྐབས་ཉིན་གསུམ་ཐུང་མཚམས་རིང་ལ་འཇམ་ཀོང་སྤྲུལ་བློ་གྲོས་མཐའ་ཡས་ཀྱིས་མཛད་པའི། “ལྷ་དབང་བཀྲ་ཤིས་ལ་གདམས་པ”ཞེས་པའི་ཆོས་ཚན་བྱིན་རླབས་ཅན་དེ་ཁ་སང་འཆད་ཁྲིད་བྱས་པས་མི་མང་དགའ་བོ་བྱས་སོང་། དེ་རིང་དགུང་མོ་གྲོགས་པོ་རྗེའུ་ཧྥུ་དང་ལྷན་དུ་མཚོ་འགྲམ་ལ་སོང་བས་ཁོང་ནས། དགའ་བ། བདེ་སྐྱིད། བརྩེ་བ། གསུམ་མཚོན་བྱེད་རྡོ་ཐོག་ཏུ་རིས་མོ་བྲིས་པ་ཞིག་སྤྲད་བྱུང་། འདི་གསུམ་ནི་དུས་རབས་འདིར་སེམས་ནད་ཀྱི་སྨན་ངོ་མ་དེ་ཡིན་ལ། འདི་གསུམ་པོ་ནི་དངུལ་གྱིས་མི་ཁུག་ལ། གྲོགས་ཀྱིས་མི་སྤྲད། རང་གིས་སྐྲུན་དགོས་པ་ཞིག་ཡིན་པས་ཧ་ཅང་སྐྱིད་པོ་བྱུང་། ཐུགས་རྗེ་ཆེ་གྲོགས་པོ་ལགས། During our 2 days New Year Retreat this year I taught on the Advice given to Lhawang Tashi
All Sangha Board Meeting & New Board Elections
Following the conclusion of the February Virtual Retreat, the Manjushri Dharma Center held its annual all Sangha board meeting and new board elections. In this very heartfelt and emotional Board Meeting, the Rinpoche and the Sangha thanked
Words and Weapons
17 མང་པོའི་དཀྱིལ་ནས་ཁ་ལ་བདག་པོ་རྒྱག་དགོས། མི་བསད་བྱེད་ནི་ལག་པའི་མཚོན་ཆ་གཅིག་པུ་མིན། ཚིག་གིས་ཀྱང་མི་བསོད་ཀྱི་ཡོད། དཔེར་ན། ཚིག་ལ་མཚོན་ཆ་མེད་ཀྱང་མི་སེམས་དུམ་བུར་བཏུབས། ཞེས་པ་ལྟར་ཡིན། Among many people be careful what you say. It is not only weapons that kill. Words also kill. Though words don’t carry weapons they can decimate a person’s
སྤུན་མཆེད་རྣམས་ལ་གདམས་པའི་བསླབ་བྱ།
བརྗོད་བྱ། སྤུན་མཆེད་རྣམས་ལ་གདམས་པའི་བསླབ་བྱ།གསུང་པ་པོ། མཁན་པོ་ཀར་བསྟན།གསུངས་ཡུལ། སྤུན་མཆེད་རྣམས་ལ།ཡིག་ཐོག་སྒྲ་ཕབས་པ། ཉི་མ་ཚེ་རིང་།འཇམ་དཔལ་རྡོ་རྗེའི་ངག་ལ་དབང་འབྱོར་ཞིང་།། བློ་གྲོས་བུམ་བཟང་ཡེ་ཤེས་བདུད་རྩིས་་གཏམས།།བསྟན་འཛིན་རྒྱ་ཆེན་རོལ་མཚོ་མཛེས་པའི་རྒྱན།། འཕགས་མཆོག་ཕྱག་ན་པདྨོར་གསོལ་བ་འདེབས།།འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས།། དུས་གསུམ་སངས་རྒྱས་ཀུན་གྱི་ངོ་བོ་ཉིད།། རང་སེམས་ཆོས་སྐུ་མངོན་སུམ་སྟོན་མཛད་པའི།། རྩ་བའི་བླ་མ་རྣམས་ལ་གསོལ་བ་འདེབས།།ཡོན་ཏན་སངས་རྒྱས་ཀུན་དང་མཉམ་ན་ཡང་།། བཀའ་དྲིན་སངས་རྒྱས་ཀུན་བས་ལྷག་པའི་མགོན།། རྩ་བའི་བླ་མའི་ཞབས་ལ་གསོལ་བ་འདེབས།། གནས་ལུགས་རྟོགས་པ་སྐྱེ་བར་བྱིན་གྱིས་རློབས།།བཀྲ་ཤིས་བདེ་ལེགས། ཁ་སང་ཡིན་པ་ཡོད། སངས་རྒྱས་ཆོས་སྒྲོན་གྱིས་ང་ལ་ཁོ་མོར་བསླབ་བྱ་འདྲ་ཞིག་བརྒྱག་རོགས་ལབ་འདུག། དེ་རིང་ངས་འདིར་ཁྱེད་རང་གཙོས་པའི་ཚ་བོ་དང་ཚ་མོ་སྤུན་མཆེད་ཚང་མ་ལ་མཉམ་དུ་བསླབ་བྱ་ཟེར་ནའང་འདྲ་ཚིག་ཁ་ཤས་བཤད་ཀྱི་ཡིན། སྔོན་མ་ཡིན་ན་ང་ཚོ་ག་དུས་ཡིན་ནའང་ཕན་ཚུན་ཐུག་བསྡད་ཀྱི་ཡོད་རེད། ཐུག་པའི་སྐབས་སུ་ངས་ཁྱེད་རང་ཚོ་ལ་སྐད་ཆ་བཤད་ཀྱི་ཡོད་རེད། བར་ལམ་ནད་ཡམས་དེས་རྐྱེན་བྱས་མ་ཐུག་ནས་ལོ་མང་པོ་འགྲོ་གི་ཡོད་དུས། ད་ནངས་ཁྱོད་ཀྱིས་ང་ཡི་ཁ་པར་ནང་དུ་༼ཨ་ཞང་ང་ལ་བསླབ་བྱ་ཞིག་བརྒྱག་རོགས༽ཟེར་ནས་ལན་བཞག་པ་གོ་དུས་ང་ཡི་སེམས་ལ་ཚོར་བ་ཆེན་པོ་འདྲ་བྱུང་། རྒྱུ་མཚན་གང་ཡིན་ཟེར་ན། སྤྱི་ཡོངས་ནས་ང་ཚོ་ཚང་མ་དེང་སང་ཡིག་ངག་གཉིས་ཀའི་ཐོག་སྤྱི་སྒེར་གཉིས་ཀའི་དྲྭ་རྒྱའི་ནང་དུ་ལག་ལེན་བྱེད་ཀྱི་ཡོད་མེད་ལ་མ་ལྟོས་པར་ཚང་མས་ཁ་ནས་ཚིགས་སྙན་པོ་ཞིག་བེད་སྤྱོད་གཏོང་བཞིན་པ་༼བོད་རིགས་སྤུན་ཟླ༽ཟེར་བ་དེ་ངོ་མ་དེ་ཆགས་བསྡད་ཡོད་པ་རེད། ང་ཚོ་ལས་དབང་གིས་ས་མཐར་འཁྱམས་པའི་སྐྱབས་བཅོལ་བའི་བོད་པ་ཞིག་ཡིན་པ་མ་ཟད་ཕ་ཡུལ་གཅིག་པ། ལུང་པ་གཅིག་པ། ཕ་ཚེ་བུ་རིང་ནས་གྲོགས་པོ་བཟང་མཐའ་འཁྱོལ་བའི་གྲོགས་པོ་དང་མ་ཟད་སྤུན་མཆེད་ཆགས་བསྡད་ཡོད་རེད། ཁྱོད་ཚོ་འདྲ་བོ་ཡིན་ན་ཡང་ཆུང་ཆུང་སྐབས་སུ་བོད་ནས་རྒྱ་གར་ལ་སློབ་སྦྱོང་བྱེད་ལ་ཡོང་བ་དང་། ང་ཡང་དེ་ནང་བཞིན་རེད། ས་མཐའ་ལ་འཁྱམས་ནས་ད་ལྟ་མི་ལོ་ཉི་ཤུ་རྩ་གསུམ་ཙམ་འགྲོ་གི་ཡོད་རེད། ཕ་ཡུལ་དང་ཁ་བྲལ་ཟེར་དགོས་རེད་དམ། གང་ལྟར་མི་འདོད་བཞིན་དུ་སྐྱབས་བཅོལ་ལ་ཡོང་བ་རེད། བརྒྱུད་རིམ་མང་པོ་དང་དཀའ་ངལ་རབ་དང་རིམ་པ་མང་པོ། དཀའ་ངལ་ཟེར་ནའང་འདྲ། གདོང་ལེན་བྱེད་དགོས་སའི་འཕྲང་ལམ་དང་དེའི་བརྒྱུད་ནས་ཉམས་མྱོང་མང་པོ་ཞིག་བསགས་པ་རེད། འདྲ་ཡིན་དུས་ཁྱོད་ཀྱིས་ང་ལ་བསླབ་བྱ་བརྒྱག་རོགས་ཟེར་ཡོང་དུས། དེ་ནི་ངའི་སེམས་ལ་རྒྱུག་པོ་འདྲ་ཞིག་བྱུང་སོང་། དེ་རིང་ངས་ལམ་སང་སྒྲ་སྒམ་ཞིག་བཟོ་ནས་གཏོང་གི་ཡིན། དེ་ང་ཡི་ཚ་བོ་ཚ་མོ་དང་སྤུན་མཆེད་ས་ཆ་ཕྱི་ལོགས་ག་བ་ག་ས་ལ་མང་པོ་ཡོད་པ་དེ་ཚོ་ཚང་མ་ལ་གཏོང་ཡོང་གི་ཡིན། དེ་དང་ཆབས་ཅིག་ཁྱེད་རྣམ་པས་ཡག་པོ་གསན་རོགས་གནང་ཞུ་གི་ཡོད།སྤྱིར་བཏང་ངས་བསླབ་བྱ་རྒྱག་ཟེར་དུས། ང་རང་ལ་ཆོས་དང་འཇིག་རྟེན་གང་གི་ཐོག་ནས་ཡིན་ན་ཡང་བསླབ་བྱ་རྒྱག་ཐུབ་པ་དེ་འདྲ་ཚད་ལྡན་ཞིག་ཡོད་མ་རེད་ལ།
གཏེར་སྟོན་ནམ་མཁའ་དྲི་མེད་རིན་པོ་ཆེ་རྨི་ལམ་ནང་ནས་མཇལ་བ།
གཏེར་སྟོན་ནམ་མཁའ་དྲི་མེད་རིན་པོ་ཆེ་རྨི་ལམ་ནང་ནས་མཇལ་བ། སྤྱི་ལོ་༢༠༢༢་ཟླ་བ་༡་པོའི་ཚེས་པ་༡༧ དགུང་མོ་ཆུ་ཚོད་དྲུག་པའི་སྐབས་སུ་འཆར་ཅན་ལྟར་དུ་ཡོད་པའི་འཛུམ་ནང་ནས་བོད་རིགས་དང་ཕྱི་རྒྱལ་བ་སོགས་དང་ལྷན་སངས་རྒྱས་འོད་དཔག་མེད་ཀྱི་ཆོ་ག་འདོན་སྒོམ་ཆུ་ཚོད་གཅིག་རིང་མཉམ་དུ་བྱས་ནས་མ་ཉལ་བའི་གོང་དུ་ཕྲིན་བཅོལ་ཡེ་ནས་མ་བྱས་པར་ཡུན་རིང་སྣང་མེད་དུ་ཤོར་བའི་བོད་སྐྱོང་ཡུལ་ལྷ་གཞི་བདག་དང་། ལྷག་པར་ངོས་ཀྱི་ཕ་སྐྱེས་ཀྱི་ཡུལ་ལྷ་ཟོར་དོར་ཆེན་པོ་བཙན་རྒོད་མདོ་ཁམས་སྐུ་རྒྱལ་ལའང་ཕྲིན་བཅོལ་མདོར་བསྡུས་ཞིག་གཏང་ནས་ཉལ་སར་སོང་ནས་གཉིད་དུ་ཡུར།ཞོགས་པ་ཆུ་ཚོད་བཞི་ཙམ་གྱི་སྐབས་སུ་རྨི་ལམ་འདི་འདྲ་ཞིག་གཏང་། ང་ནི་བོད་ཀྱི་ས་ཆ་འདྲ་བོ་ཤིང་གི་སྒོམ་ཁང་ཞིག་གི་ནང་དུ་ཁ་འདོན་འདྲ་བྱས་ནས་བསྡད་འདུག ཁང་པ་དེར་ཤེལ་གྱི་སྒེའུ་ཁུང་ཞིག་འདུག སྒེའུ་ཁུང་རྒྱབ་ལོགས་ནས་མི་ཞིག་གིས་ང་ཡི་མིང་ནས་བཟུང་ནས་འབོད་ཀྱི་འདུག མི་དེས་འདི་ལྟར་ཟེར། ༼ཁྱོད་རང་དྲི་མེད་འོད་ཟེར་ནས་ཁང་པའི་ཕྱི་ལ་ཤོག་གསུང་གི་འདུག༽ཟེར་ངས་དྲི་མེད་འོད་ཟེར་སུ་རེད་དྲིས་ཀྱང་ཁོས་ལན་སྟེར་མ་སོང་། ངས་དྲི་མེད་འོད་ཟེར་སུ་ཡིན་ནམ་མི་དེ་ལ་གང་འདྲ་ཞིག་ཡོད་ན་བསམ་ནས་ཁ་འདོན་རྣམས་མཚམས་བཞག་ནས་ཁང་པའི་ཕྱི་རུ་ཐོན་པ་ཡིན། ཁང་པའི་ཕྱི་ནས་གཡས་གཡོན་ཚང་མར་དྲི་མེད་འོད་ཟེར་བཙལ་ཡང་རྙེད་མ་སོང་། ཁང་པའི་རྒྱབ་ལོགས་སུ་སོང་དུས་མཐོ་ལ་མཛེས་ཤིང་ཡིད་དུ་འོང་བའི་ཤིང་གི་སྒོམ་ཁང་ཞིག་གི་སྒེའུ་ཁུང་ནང་ནས་མི་ཞིག་གི་མགོ་བོ་མཐོང་གི་འདུག། ང་དེར་ཆེད་དུ་གཏད་ནས་སོང་བས་ཁང་པའི་འཁྲིས་སུ་སླེབས་པ་དང་མཉམ་དུ་གོས་ཆེན་དམར་སེར་གྱི་སྟོད་འབོག་མནབས་ཞིང་མགུལ་ལ་བོ་དྷི་ཙི་ཏའི་ཕྲེང་བ་ཆུ་ལོང་ཙམ་ཞིག་གྱོན་ནས་བགྲེས་ཉམས་ཅན་གྱི་བླ་མ་ཞིག་གིས་སྤྱན་ཁྲ་གོར་གོར་ང་ལ་གཟིགས་ནས་བཞུགས་འདུགཁོང་ནས་ཟེར་ན་དྲི་མེད་འོད་ཟེར་ང་ཡིན་གསུངས་སོང་། ཁོང་ནི་རྒྱ་གར་ཨོ་རི་སི་གཞིས་ཆགས་སུ་བཞུགས་པའི་གཏེར་སྟོན་ནམ་མཁའ་དྲི་མེད་ཞུ་བ་དེ་རེད་འདུག ངས་ཁོང་དངོས་སུ་མཇལ་མྱོང་གཏན་ནས་མེད་ཀྱང་དྲྭ་ཐོག་ནས་སྐུ་པར་མང་པོ་མཇལ་མྱོང་ཡོད་པ་མ་ཟད་ངོས་ཀྱི་ཆོས་གྲོགས་ཕ་ཡུལ་ཁམས་རི་བོ་ཆེ་ནས་ཡིན་ཅིང་ད་ལྟ་ཁོང་བལ་ཡུལ་ལ་བཞུགས་པ་ཞིག་གིས་ཁོང་གི་སྐོར་ཧ་ཅང་མང་པོ་གསུང་མྱོང་ཡོད་པས་ངས་ཁོང་གི་ལོ་རྒྱུས་ཆ་ཚང་ཤེས་ཀྱི་ཡོད། ཁོང་ནི་གཏེར་སྟོན་ཆེན་པོ་ཞིག་ཡིན་པ་དང་མ་ཟད་གཏེར་ཆོས་སུ་གེ་སར་སྐོར་ཤ་སྟགས་ཡིན་པ་རེད།གང་ལྟར་ང་ལ་འབོད་མཁན་གྱི་བླ་མ་དེ་ཁོང་རེད་འདུག ང་སྒེའུ་ཁུང་ཕྱི་ལོགས་ནས་ཁོང་གི་འཁྲིས་སུ་བཅར་བ་ཡིན། ཁོང་ནས་ང་ནམ་མཁའ་དྲི་མེད་ཡིན་ལ་ང་དྲི་མེད་འོད་ཟེར་ཡང་ཡིན་འདིར་ཤོག་གསུངས་ནས་ལག་བརྡ་བསྟན་བྱུང་། ང་སྒེའུ་ཁུང་ཕྱི་ལོགས་ནས་སྒེའུ་ཁུང་གི་འཁྲིས་སུ་ཡར་བཅར་དུས་ཁོང་ནས་སྒེའུ་ཁུང་ཡོངས་རྫོགས་ཕྱེས་ཅིང་ང་ཡི་འགྲམ་པ་གཡས་གཡོན་གཉིས་ནས་ཕྱག་ལག་གཉིས་ཀྱིས་སྐྱོར་ནས་སྤྱན་རས་ཁྲ་གོར་གོར་མཛད་བཞིན་དབུ་ཐོད་ཡུན་རིང་གཏུགས་ཞིང་ཞལ་ནས་འདོན་པ་འདྲ་ཞིག་ཤུབ་ཤུབ་གསུང་གི་འདུག་ཀྱང་ནང་དོན་རྣམས་གསལ་པོ་གོ་མ་སོང་། གང་ལྟར་ཁོང་ནས་དབུ་ཐོད་གཏུགས་པ་མཉམ་དུ་ངོས་ཀྱི་གཟུགས་པོ་ཡོངས་རྫོགས་ཚ་མེ་རེ་འདྲ་ཞིག་བྱུང་ནས་སེམས་ལ་དགའ་བདེ་བཤད་མི་ཤེས་པ་འདྲ་ཞིག་བྱུང་བ་དང་མཉམ་དུ་གཉིད་ལས་སད་འདུགདྲི་མེད་འོད་ཟེར་ནི་ཀུན་མཁྱེན་ཀློང་ཆེན་རབ་འབྱམས་ཀྱི་མཚན་གྱི་ཆ་ཤས་ཞིག་ཡིན་པས་གཅིག་བྱས་ན་བླ་མ་འདི་ཀློང་ཆེན་པའི་སྤྲུལ་པ་ཡིན་སྲིད།ཡང་ན་གུས་པ་ལོ་ན་ཆུང་ཆུང་སྐབས་སུ་གེ་སར་གྱི་སྒྲུང་དང་། བསང་དང་རླུང་རྟ། ལྷག་པར་དུ་འཇུ་མི་ཕམ་གྱིས་མཛད་པའི་གེ་སར་རྡོ་རྗེ་ཚེ་རྒྱལ་གྱི་གསོལ་ཀ་དང་། བླ་སྒྲུབ་སོགས་མང་པོ་ཞིག་འདོན་མྱོང་ཡོད། བར་ལམ་ཞིག་ནས་དབང་ཞུ་སྐྱབས་གནས་བྱེད་རྒྱུ་མང་དྲགས་པའི་རྐྱེན་གྱིས་ཁ་འདོན་གྱི་བེའུ་བུམ་དེ་ཇེ་འཐུག་ལ་སོང་བའི་རྐྱེན་གྱིས་སོང་ན་ཁུར་དཀའ་ཞིང་། བསྡད་ན་འདོན་མི་ཐུབ་པ་སོགས་ཀྱིས་རྐྱེན་གནས་སྐབས་གེ་སར་གྱི་ཆོས་ཀ་རྣམས་གཙོས་རྒྱུན་ཁྱེར་འགའ་ཤས་རེ་ཞིག་ཁ་འདོན་གྱི་ཁྲོད་ནས་བླངས་ཞིང་ཡིག་ཉོབ་ཀྱི་ཁྲོད་དུ་བཞུགས་སུ་གསོལ་ནས་ཉམས་ལེན་བྱེད་ཁོམས་མ་བྱུང་། གཅིག་བྱས་ན་བླ་མ་ཁོང་ནི་གླིང་གེ་སར་ཀྱི་ཆོས་བདག་ངོ་མ་དེ་ཡིན་སྟབས་ངས་ཀྱང་མུ་མཐུད་གེ་སར་གྱི་ཆོས་བཀའ་རྣམས་ཉམས་ལེན་བྱེད་དགོས་པའི་བརྡ་ཡིན་མིན་སོགས་ངོས་ཀྱི་ཀླད་པའི་ནང་དུ་དྲི་བ་རྣམས་འཚང་ཀ་ཤིག་ཤིག་གཅིག་རྗེས་གཉིས་མཐུད་ཀྱིས་སླེབས་སོང་།གང་ལྟར་ཡང་ལར་ནི་ཉིང་འཁྲུལ་ལ་དེ་ཙམ་བདེན་པ་ཆེར་མེད་ཀྱང་ད་ནུབ་ཀྱི་རྨི་ལམ་ནང་གི་བླ་མ་ཁོང་སྐུ་ཚེ་བརྟན་ཅིང་གུས་ཀྱང་གནས་སྐབས་མ་ཤི་གསོན་བསྡད་ན་རྒྱ་གར་ལ་འགྲུལ་བཞུད་ཅིག་གི་ཞོར་དུ་བླ་མ་འདི་ངེས་པར་མཇལ་དགོས་བསམ་བསྡད་ཡོད།